Tjaldfer?

Við fórum í okkar fyrstu tjaldútilegu um helgina. Þetta var ekki bara fyrsta útlega Fjalars Hrafns og Auðar Ísoldar heldur einnig fyrsta útilega okkar Védísar saman.  Ferðinni var heitið, ásamt froskafjölskyldunni, til Smálandanna í Svíþjóð.  Eftir að hafa tekið HH-ferjuna frá Helsingör til Helsingborg lá leiðinn beinustu leið til Vaxjö í miðjum smálöndunum.  Reyndar kom til tals á leiðinni að snúa við því aðra eins rigningu höfðum við aldrei sé á okkar löngu/stuttu ævi. Reyndar var nokkuð bjart í Vaxjö þegar við komum þangað og tjölduðum, en það átti eftir breytast strax um kvöldið. Þá má með nokkru sanni segja að það hafi rignt nánast látlaust frá föstudagskveldi fram á sunnudagsmorgun.  Til þessarar ferðar var fjárfest í nýju tjaldi, vindsæng, borði og stólum og einum bílstól, sem duga á næstu árin.  Að minnsta kosti mun tjaldið þola íslenskar aðstæður, því það kom berlega í ljós í úrhellisrigningunni í Smálöndunum.  Þó veðrið hafi ekki verið upp á marga fiska, gerðum við ýmislegt. Fórum í vatnsrennibrautagarð, elg-safarí, Kosta Boda, komum við í Emaljunga og borðuðum á Líbönskum stað og fórum tvisvar sinnum í Systembulaget, þar sem ég var beðin um skilríki í seinna skiptið þegar ég keypti eina litla rauðvínsflösku. Ferðinni lauk svo í seint á sunnudagskvöldið þegar við keyrðum í fyrsta skiptið yfir Öresundsbrúnna á leið okkar til Kaupmannahafnar.

Þórir

Amma litar

Já, hún amma litar og litar þessa dagana, allavega ef marka má dóttur mína.  Þannig er mál að Auður Ísold er mjög söngelsk og nýjasta lagið sem hún er með á heilanum er; "hún á afmæl'í dag".  Nema hvað snúllan hefur misskilið þetta eitthvað og syngur hástöfum "Amma lita, amma lita".  Svo þegar maður spyr hana hvað amma sé að gera horfir hún á mann undrunaraugum og svarar "lita"  heyrurðu það ekki, mamma. Litla skottið:) 

Védís

Annasamur ?g?st

 Ég er komin í frí þar til ég byrja í skólanum og þann tíma ætla ég að nota til að klára nokkur verkefni sem ég hef ekki haft tíma né orku til að takast á við fram að þessu.  Fyrsta verkefni er nú lokið - ég er búin að parketleggja forstofuna og það var bara ekki jafn erfitt og ég hafði ímyndað mér.  Næst ætla ég að sauma nokkra púða í nýja chaselong sófann minn.  Þarnæst ætla ég að smíða eldhús sem passar í gluggann hjá krökkunum.  Síðan þarf ég að taka til í skápunum (endalaust verkefni), skrifa umsögn um sjálfa mig á dönsku (ómögulegt verkefni), hringja í bankann (leiðinlegt verkefni) og fara í tjaldútilegu til Svíþjóðar sem verður jafnframt fyrsta útilega Auðar Ísoldar og Fjalars Hrafns.  Þess á milli þarf ég að lesa inngang að tölfræði (ojojjjojj).  Af nógu er að taka svo best að koma sér í gang.

Védís

Ákvörðunarstaður:  Afríka

Land:  Marokkó

Borg:  Agadir

Tímasetning: 21. - 28. desember

Jábbbb, þá látum við drauminn rætast og eyðum jólunum á fjarlægum slóðum ásamt ferðafélögum okkar, Kristján, Stellu og Áslaugu Eddu.  jiii, ég hlakka strax svo til.  Hvað er hægt að gera, jú, fara á úlfaldabak, fjallaferð upp í Atlasfjöllinn, prútta á mörkuðum á ströndinni og fara út að borða á aðfangadagskvöld.  Þó ætlum við að reyna að halda í eina jólahefð, en hún er að borða frómas í eftirrétt.  Ætli við verðum ekki að flytja jarðarberin og matarlímið með okkur og kaupum svo bara úlfaldarjóma, hehh. 

Védís

Me? lag a heilanum

Flestir kannast við það, að fá að lag á heilann. Nú hefur Auður Ísold lent í þessum óskunda, og það er ekki bara eitt lag sem hún syngur í sífellu, heldur tvö. Þau eru "Lille Peter Edderkop" og "Mester Jakob".  Reyndar kann hún bara eina línu í Edderkop (kravled' op ad muren) og tvær línur í Mester Jakob (sover du, sover du & Bim bam bum! Bim bam bum!) . Fjalar Hrafn reynir eftir bestu getu að aðstoða hana með sönginn þegar hún byrjar en það getur oft reynst erfitt þegar hún tönglast stöðugt á sömu setningunni og kemst ekkert áfram.

Þórir

Loki? vi? Arnald

Í gærkveldi kláraði ég síðustu bókina með Arnaldi Indriðasyni. Þetta væri líklega ekki til frásögu færandi nema hvað að ég byrjaði á þeirri fyrstu (Synir Duftsins) 7. júní síðastliðinn og lauk við þá næstsíðustu (Kleifarvatn) í gærkveldi. Þá síðustu, Vetrarborgin, las ég um síðustu jól og varð fyrir miklum vonbrigðum en ákvað að gefa fyrri bókum hans möguleika, með fyrrgreindri niðurstöðu. Topp 10 listinn minn er því eftirfarandi (síðasta númerið er ekki innsláttarvilla):

1.-2. Mýrin & Napóleonskjölin

3.-4. Grafarþögn & Kleifarvatn

5. Synir Duftsins

6. Dauðarósir

7. Röddin

8. Bettý

20. Vetrarborgin

Þórir

Einhver leti

Það er buin að vera einhver leti í mér síðustu daga, hvað varðar dagbókarskrif.  Annars fer öll mín orka í ritgerðasmíð þessa dagana, já og að þola hitann. Fjalari líður betur og betur í leikskólanum og vill helst ekki koma heim þegar hann er sóttur. Annars breytust morgnarnir lítillega síðasta mánudag. Frá því Fjalar Hrafn byrjaði á Møllelængens Børnehave höfum við alltaf byrjað á því að fara með Auði Ísold í leikskólann, komið svo heim aftur, skilað hjólinu og hjólavagninum, og labbað að rútunni þar sem við biðum þar til hún legði af stað, þó eftir að hafa farið inn á leikskólann til að pissa. Þetta þýddi að ég var ekki kominn upp í skóla fyrr en rúmlega hálf tíu. Nú hinsvegar er Auður Ísold sett aftan á hjólið og Fjalar Hrafn labbar svo með okkur að leikskólanum sínum, þar sem hann er skilin eftir og við Auður Isold hjólum svo yfir á Svanereden. Þetta þýðir tvennt. Fyrsta er að ég er kominn í skólann rétt um níu og það seinna er að cykelanhængeren (í. hjólavagninn) hefur misst tilgang sinn. Hann var keyptur fyrir ári síðan til þess að auðvelda mér (já og stundum Védísi) það verk að koma börnunum í leikskólann. Nú stendur hann bara óhreyfður og mun gera í óákveðin tíma. Hugmynd hefur komið upp um að selja hann hæstbjóðanda og kaupa Cristiania-cykel í staðinn.

Védís er þessa stundina að vinna sinn síðasta laugardag hjá Post-Danmark. Þá eru einungis 5 virkir dagar eftir og svo verða hennar tengslum við Post-Danmark formlega slitið næstkomandi föstudag.  Það þýðir að það styttist óðum í fyrsta skóladaginn hjá henni.

Þórir

Si?asta kvoldmalti?in

Við borðuðum í síðasta sinn með Beggu og Benna í gærkveldi. Þau flytja til Íslands í næstu viku. Af því tilefni buðum við einnig Benna stóra (pabbi Benna) og gæddum okkur á brasilískri nautalund keypta í Þýskalandi um síðustu páska.

Það verður erfitt að horfa á eftir þeim fara eftir þriggja ára vináttu og þá tala ég einna helst um vinátta þeirra Fjalars og Benna, og undir það síðasta Auðar.  Það verður erfitt að útskýra það það fyrir þeim að Benna sjá þau ekki aftur fyrr en eftir langan tíma.

Við óskum ykkur alls hins besta á Íslandi og hlökkum til að hitta ykkur sem allra, allra fyrst.

 Þórir, Védís, Fjalar Hrafn og Auður Ísold

Heimsoknir

Við fengum heimsókn í síðustu viku. Á þriðjudaginn kom María. Hún var á heimleið frá Suður-Kóreu, þar sem hún tók þátt í ólympíuleikunum í Efnafræði, fyrir Íslandshönd. Skemmst er frá að segja að hún fékk brons-verðlaun á leikunum. Á fimmtudaginn kom svo Bjössi, kærastinn hennar, og voru þau hjá okkur þar til í gærkveldi, að þau flugum saman til Íslands.  Á föstudaginn fengum við svo pössun fyrir börnin og fórum út að borða á Spicylicious sem er thailenskur/vietnamskur veitingastaður á Istegade.  Á laugardaginn fóru skötuhjúin í bæinn og við Védís undirbjuggum grillmat.  Í gær var svo farið á ströndina í 26 stiga hita. Það þarf líklega ekki að nefna það sérstaklega, en bjór var drukkinn "continuously".  Takk fyrir heimsóknina og verðið velkomin aftur.

Þórir

Afm?li
Samkv?mt nokku? oruggum heimildum er sonur minn ?riggja ara i dag. Af ?vi tilefni var haldin afm?lisveisla honum til hei?urs ut i gar?i. Grilla?ar voru pulsur og sn?ddar kokur. Fjalar Hrafn fekk ?a? sem hann oska?i ser, vatnsbyssu. Reyndar fekk hann tv?r vatnsbyssur og tv?r sapukulubyssur. Fra okkur fekk hann svo flugvel af st?rstu ger?.
Til gamans ma geta ?ess a? amma min a lika afm?li i dag, er 86 ara, og oskum vi? henni a? sjalfsog?u til hamingju me? daginn.


?orir